ماسكات طبيعة مفيدة للبشرة المختلطة

ماسكات طبيعية للعناية بالبشرة المختلطة الدهنية والبشرة المختلطة الجافة

ماسك البيض للعناية بالبشرة

ماسط طبيعة ومفيد جدا للبشرة المرهقة وباهتة اللون لاعادة الحيوية والنضارة للبشرة.

مكونات ماسك البيض للعناية بالبشرة :

• صفار بيضة.
• عصير 1/2 ليمونة.
• معلقة كبيرة صلصال أبيض “متوفر عند العطار”.
• معلقة زيت لوز حلو.
• معلقة عسل أبيض.

طريقة عمل ماسك البيض للعناية بالبشرة :

اخلطي عصير الليمون مع الصلصال الأبيض وقلبيهم مع بعض لغاية ما يمتزجوا تماماً، بعد كده ضيفي صفار البيضة وزيت اللوز الحلو والعسل الأبيض وقلبيهم كلهم مع بعض، افردي الخليط السابق على بشرتك، وسيبيه لمدة 20 دقيقة.. وبعد كده اشفطي بشرتك بالماء الفاتر، الماسك ده ممكن تعمليه كل ما تحتاجي له، وكمان لو عندك مناسبة وعايزة بشرتك تبان منورة وصافيةومشرقة….

غسول ماء الزهر للعناية بالبشرة

أيضا يفيد فى حالات الارهاق للبشرة والجفاف الناتج عن العوامل الجوية..

مكونات ماسك غسول ماء الزهر للعناية بالبشرة

• 2 معلقة كبيرة ماء زهر “متوفر عند العطار”.
• نعناع أخضر.
• نقطتين عصير ليمون.

طريقة عمل ماسك غسول ماء الزهر للعناية بالبشرة

انقعي النعناع الأخضر لمدة ساعة في شوية ميه، وبعد كده خدي الميه دي وضيفي إليها عصير الليمون وماء الزهر، هاتي قطنة وحطيها في الخليط السابق ومرريها مرتين على بشرتك، بعد مرور ربع ساعة اشطفي بشرتك بماء فاتر، ممكن تعملي الغسول ده مرتين أو ثلاثة في الأسبوع وهتشوفي الفرق بنفسك وتأثيرة على بشرتك